མཐོ་མཐོ་བརྒྱ་བྱིན་བཞུགས་པའི་ཁང་བཟང་དང་།།

དམའ་དམའ་ན་རག་དམྱལ་བའི་ལྕགས་མཁར་ཡན།།

གསལ་གསལ་སེམས་ཀྱི་མཐོང་སྣང་མི་གཅིག་ཀྱང་།།

འཇིག་འཇིག་རང་མཚང་སྟོན་ལ་ཁྱད་པར་ཅི།།

巍巍帝释宫，幽幽恶狱界，

明观虽不一，顿毁岂有别？ 

ཤིག་ཤིག་གཡོ་བའི་ས་ཡི་སྲིན་པོ་དེས།།

ལམ་ལམ་མིག་ལ་འཆར་བའི་ཁང་ནོར་དང་།།

དམར་དམར་སྙིང་ལ་སྐྱོང་པའི་སྤུན་ཟླ་བཅས།།

ཆལ་ཆལ་ཟོས་པ་འདི་ཀོ་ཤིན་ཏུ་སྐྱོ།།

蠢蠢魔地动，历历房财夺，

哀哉我至亲，痛哉成尸殁！ 

ལྷང་ལྷང་སྡུག་པའི་ཆོ་ངེ་འབར་བའི་ཁྲོད།།

སྐྲག་སྐྲག་ས་སྟེང་ཐོན་པའི་དམྱལ་བ་འདི།།

ཆེ་ཆེ་ཡིད་ཀྱི་ཁྱོན་དུ་ཤོང་དཀའ་ན།།

ཆུང་ཆུང་དབང་པོའི་ཡུལ་དུ་ཇི་ལྟར་བཟོད།།

咽咽无尽期，雳雳地狱堕，

心兮容不得，身兮岂堪搏！ 

ཆིལ་ཆིལ་ཆར་བཞིན་འབབ་པའི་བེམ་རོ་དང་།།

ཆོམ་ཆོམ་ཐོག་བཞིན་ལྷུང་བའི་ཁང་པ་གཉིས།།

ཆེམ་ཆེམ་གློག་ལྟར་མྱུར་བའི་བང་འགྲན་ཏེ།།

འཕྱུར་འཕྱུར་ཁྲག་དང་ཐལ་བས་གནམ་ས་བཀང་།།

处处尸雨泞，家家雷劈斲，

轰然血泪溅，倏然惊天魄。 

སྐྱོ་སྐྱོ་བདག་པོས་བོར་བའི་སྒོ་ཁྱི་དང་།།

བྱམས་བྱམས་ཕ་མ་བརླག་པའི་དྭ་ཕྲུག་དང་།།

གཅེས་གཅེས་བུ་ཚ་གྲོངས་པའི་རྒན་རྒོན་དང་།།

མཛའ་མཛའ་སྙིང་སྡུག་བྲལ་བའི་གྲོགས་མེད་མང་།།

哀哀犬守门，凄凄儿失怙，

恸乎翁丧子，怜乎众寡孤。 

ཡོད་ཡོད་ཐམས་ཅད་ཤི་བའི་ནང་མི་ཞིག །

རྒྱང་རྒྱང་ས་མཐའ་འདི་ནས་གཅིག་པུར་ལུས།།

དུང་དུང་ཡིད་ཀྱི་གདུང་བ་ཐལ་དྲགས་པས།།

ཆད་ཆད་ངུ་བའི་འཕྲོ་ལ་གད་མོ་ཤོར།།

寂寂废家墟，孑孑独踯躅，

肠断吞声苦，唏嘘痛心腑。 

ཧུ་ཧུ་ཁྲི་ཕྲག་སྟོང་གི་སྐྱེ་བོ་རྣམས།།

རིག་རིག་བཞིན་དུ་སྲོག་གི་རྒྱུ་བ་བཅོམ།།

མྱུར་མྱུར་ཡུད་ཙམ་ཞིག་གི་འཇིགས་པ་དེས།།

ཡང་ཡང་བསྐལ་བརྒྱར་གདུང་བའི་རྨ་སྲོལ་གཏོད།།

噩噩千万人，睁睁命成骷，

一瞬灾祸降，万劫难平抚。 

ཀྱེ་ཀྱེ་གངས་ཅན་མགོན་པོ་སྤྱན་རས་གཟིགས།།

དཀར་དཀར་གངས་ཀྱི་ལྷུན་པོ་ལྟ་བུའི་སྐུ།།

བརྩེ་བརྩེ་ཡེ་ཤེས་སྤྱན་གྱིས་ཆེར་གཟིགས་ཏེ།།

དམན་དམན་བོད་འབངས་འདི་དག་བསྐྱབ་དུ་གསོལ།།

依依观世音，皑皑雪山颜，

慈柔慧眼视，苍生祈救怜！ 

གསོན་གསོན་ཚེ་འདིའི་བྱ་བ་འཕྲོར་བཞག་སྟེ།།

འུར་འུར་བར་དོའི་འཕྲང་ལ་འཚང་གྱུར་ཀྱང་།།

ཚེ་ཚེ་ཕྱི་མར་ཕན་པའི་གྲབས་མེད་པོ།།

མཁྱེན་མཁྱེན་ཐུགས་རྗེའི་ནུས་པས་བསྐྱབ་ཏུ་གསོལ།།

匆匆未了事，茫茫中阴间，

尘迷来生众，大悲祈救援！ 

རིང་རིང་སྙིང་དུ་ཕངས་པའི་མཛའ་བཤེས་རྣམས།།

འཕྲལ་འཕྲལ་བདུད་ཀྱི་ཕྱགས་མས་དེད་ཤུལ་དུ།།

ཅེར་ཅེར་འཕྲེང་བའི་མིག་གིས་ལྟ་བཞིན་པ།།

ཤུལ་ཤུལ་ལྷག་ལུས་འདི་དག་བསྐྱབ་ཏུ་གསོལ།།

悠悠我至亲，厉厉死魔牵，

木然惨相望，生者祈救现！ 

ཤ་རུས་ཐ་དད་མེད་པའི་རིགས་རྒྱུད་ལས།།

ལས་དང་དམ་ཚིག་གཅིག་པའི་བོད་འབངས་རྣམས།།

གངས་ལྗོངས་ཆོས་ཀྱི་ཞིང་སར་ལྷན་འཛོམས་ཏེ།།

གཞིས་བྱེས་རེ་བ་ཡོངས་སུ་རྫོགས་པར་སྨོན།།

骨肉同血脉，同胞命相连，

佛国齐相聚，圆满一切愿。

༸ཀརྨ་པས་སྐྱེ་རྒུ་མདོར་ས་ཡོམ་གོད་ཆག་བྱུང་བ་ན་སྨོན་པའོ།

         ————༢༠༡༠ ལོའི་ཕྱི་༥པའི་ཚེས་༡ཉིན། 

后记：佛子噶玛巴邬金钦列多杰，以沉痛不忍之心，

手书于青海玉树震灾后，愿依大悲怙主观音菩萨之力，

一切转为善转为吉祥。